Российский Государственный университет нефти и газа им. И.М. Губкина (Керосинка)

ГРУППА ВЮР-05-1 [http://vur-05-1.narod.ru]

Высшее юридическое образование ON-LINE

[Учебные материалы]  [Доска сообщений]  [Форум]  [Полезные ссылки]  [Оглавление]

История Государства и права России

УСТАВЪ ВЕЛИКОГО КНЯЗЯ ЯРОСЛАВА

Писано бо есть:  проливаяи кровь человечьскоу за кровь оного да  пролиется  кровь  его;  испытаите  оубо  съ  многою  истинною виноватого,  но прежде оклеветающаго,  како есть житие его. И аще благосъветникъ и благоверенъ обрящется,  но тако  не  имете  емоу веры.  Безаконно бо есть тако сведетельство,  но да имать и инехъ сведетеля посрамны и единого  нравы  да  предъ  двема  или  треми сведетели праведными станеть всякъ глаголъ.

Речено есть:  да не приимеши  послоушества  лжа,  но  да  не сядеши  съ  многыми  оуклонити  правдоу.  Подобаеть  же соудимаго испытати,  како есть житие его и нравъ  сведетельствоуемое  житие его.  Аще  не виноватъ и долго не дръжит гнева,  или преподобенъ, или страннолюбець,  и нищелюбець,  и целомудръ, и святъ от лжа, и   кроме всякыя лоукавныя вещи моужь бо рече неискоусимъ и неключимъ къ богоу.  Рече бо Соломонъ:  послоушаите,  вноушите вси соудящии земли, яко от бога дасться вамъ власть и сила от вышняго. И пакы: горе оправдающемоу нечестиваго мьзды ради и  от  праваго  правдоу отъемлющемоу;  давыи бо намъ богъ власть истяжеть скоро ваша дела и помысли испытаеть;  яко же бо слоужителе есте  царствия  ти  не соудисте право,  ни съхранисте закона божиа,  ни въ повелении его пребысте; страшно оубо и скоро придеть на вы испытание; яко соудъ немилостивъ  на  обладающаго  бываеть,  ибо меншии достоини соуть милости, силнии же испытани боудоуть.

И рече бо господь:  емоу же дасться мало, и мало истяжють от него,  а емоу же много,  то много истяжуть от  него;  тем  же  съ многымъ тръпениемъ оуловивше правъдоу, сътворите истиноу, овии бо от человекъ за  неразоумие  добре  истинны  прелщаются,  овии  же хитростию прелщаются, друзии же златолюбия ради корчемьствоують.

[Учебные материалы]  [Доска сообщений]  [Форум]  [Полезные ссылки]  [Оглавление]

Высшее юридическое образование ON-LINE